Yn 2019, cynyddodd nifer y busnesau newydd yn y DU i 390,000, ac mae’r ecosystem busnesau newydd yn fwy nag erioed. O gyfuno hynny â dulliau gweithio newydd sy'n cefnogi cydbwysedd rhwng bywyd a gwaith, megis gweithio o bell, gweithio hybrid a gweithio nomadig - mae byd busnes y DU wedi creu tueddiadau newydd o gyflawni pethau.

Mae un o'r datblygiadau newydd hynny wedi digwydd yma yn Tramshed Tech: crwydro.

Erbyn hyn, mae crwydro yn cynnig cyfle i fusnesau yn Ne Cymru weithio o fwy o leoliadau nag erioed o'r blaen gyda gofodau cydweithio Tramshed Tech, a chyda hynny, mae’r academi fusnesau newydd yn cyrraedd mwy o gorneli o Gymru.

Ble mae lleoliadau crwydro Tramshed Tech?

Ers mis Ionawr 2023, mae Tramshed Tech yn cynnig gofod cydweithio a gofod swyddfa yn:

1. Grangetown, Caerdydd

2. One Central Square, Caerdydd (Gofod Swyddfa yn unig)

3. Griffin Place, Casnewydd

4. Goodsheds, Y Barri

Fodd bynnag, nid dyna'r cyfan, gan fod disgwyl i ddau leoliad arall agor yn:

1. Innovation Station, Casnewydd

2. Theatr y Palace, Abertawe

Er eich bod efallai yn ystyried eich hun yn berson sy'n dilyn yr un drefn fel arfer, dyma chwe rheswm pam y gallai crwydro fel busnes fod yn gatalydd llwyr i achub eich busnes o bosibl:

1. Cyfleoedd rhwydweithio

2. Buddion iechyd meddwl

3. Ymchwil farchnad

4. Mynediad at fwyd

5. Recriwtio a chyflogi

6. Mentora

Mae cydweithio yn ymwneud â mwy na dim ond eich busnes, mae'n ymwneud â'ch datblygiad a'ch twf fel unigolion. Felly, bydd cymhellion a manteision crwydro yn amrywio yn dibynnu ar sut yr hoffech dyfu fel unigolyn ac fel busnes.

1. Cyfleoedd Rhwydweithio

Efallai y bydd unrhyw bobl fewnblyg sy'n darllen hyn yn meddwl 'nid yw hyn yn berthnasol i mi', ac i fod yn gwbl onest, gall rhwydweithio fod yn syniad brawychus i unrhyw un. Fodd bynnag, dyna pam y mae crwydro yn ffactor mor bwysig i rwydweithio: gallwch rwydweithio mewn ffordd ystyrlon.

Mae'r dyddiau o gerdded i mewn i ystafell yn llawn pobl mewn siwtiau wedi mynd. Mewn gofod cydweithio, byddwch yn eistedd wrth ochr unigolion sy'n mynd i'r afael â, neu sydd wedi mynd i'r afael â'r un union fath o broblemau a rhwystrau y byddwch chi'n eu profi.

Trwy grwydro, rydych chi ond yn cynyddu'r siawns y byddwch chi'n cwrdd â'r unigolyn hwnnw sydd o'r un anian, sy'n dod yn ysgwydd gadarn i bwyso arni yn ystod y cyfnodau anodd.

2. Iechyd Meddwl

Er y byddwch efallai yn meddwl bod hyn yn rhywbeth annhebygol i'w gynnwys ar y rhestr hon, mewn gwirionedd nid yw erioed wedi bod yn fwy perthnasol nag y mae nawr. Ar gyfartaledd, mae 7% o boblogaeth y DU ar hyn o bryd yn dioddef o iselder tra bod 30% syfrdanol o entrepreneuriaid yn gwneud hynny.

Mae hyn yn golygu, yn y bôn, eich bod dri gwaith yn fwy tebygol fel entrepreneur o brofi iselder nag sydd gweithiwr arferol. Fodd bynnag, gall cynllun cydweithio crwydrol gynnig hwb enfawr i iechyd meddwl.

Mae manteision crwydro ar gyfer iechyd meddwl yn cynnwys:

1. < Meid: 15">

   Mwy o gyfathrebu a meithrin perthnasoedd

• Mwy o deithio ac antur

• Cynhyrchedd a chanolbwyntio uwch

• Diogelwch llwyr wrth weithio

Er bod iechyd meddwl pawb yn unigryw, mae'r hyn sy'n rhoi hwb a'r hyn sy'n tanseilio ein hiechyd meddwl yn amrywio o berson i berson - bydd un o'r manteision uchod yn cyfrannu at ffurfio iechyd meddwl cadarnhaol.

3. Ymchwil Farchnad

Mewn astudiaeth gan CB Insights, 'dim angen yn y farchnad' oedd yr ail reswm mwyaf cyffredin ar gyfer methiant busnes, gyda 35% o achosion yn methu am yr union reswm hwn.

Felly, profi eich cynnyrch neu wasanaeth gydag amrywiad o ddemograffeg ar draws amrywiaeth o leoliadau yw'r unig ffordd sicr o sicrhau bod marchnad bresennol sydd angen y datrysiad rydych chi'n ei gynnig.

Mae aelodaeth cydweithio crwydrol yn cynnig union beth sydd ei angen arnoch, gan gynnig digwyddiadau, cyfarfodydd a chiniawau fel cyfleoedd i brofi, treialu a thrafod eich gwerth ag entrepreneuriaid a defnyddwyr eraill.

4. Mynediad at Fwyd

Nid oes ots pwy ydych chi, mae bwyd a maeth wrth wraidd ysgogiad a chreadigrwydd ac mae cael mynediad at ystod o fwydydd yn cynnig nid yn unig brofiadau newydd ond cyfle i gadw at y nodau iechyd hynny.

Mae ein gofod cydweithio newydd sbon yng Nghasnewydd yn ofod perffaith i ehangu eich chwaeth yng nghanol diwrnod prysur. Mae'r farchnad ei hun yn un o brosiectau adfywio marchnadoedd dan do mwyaf Ewrop gyda dros 12 o werthwyr bwyd o dan un to.

Wrth i'ch busnes dyfu a dechrau recriwtio, gall cael mynediad at amrywiaeth o fwydydd hefyd fod yn fantais anferth wrth gyflogi - gan roi mantais i chi mewn marchnad recriwtio gystadleuol.

Sôn am ba un…

5. Cyflogi a Recriwtio

Gall strategaeth grwydro fod yn gatalydd anferth ar gyfer recriwtio nid yn unig trwy ehangu eich cronfa bosibl o ymgeiswyr ond hefyd trwy gynnig lleoliadau lluosog ar gyfer cyfweliadau a hysbysebu swyddi.

Yn ôl yr ONS, dywedodd mwy nag 8 o bob 10 gweithiwr a oedd yn gorfod gweithio gartref yn ystod y pandemig coronafirws eu bod yn bwriadu gwneud gwaith hybrid - gweithio'n rannol gartref ac mewn swyddfa. Ers hynny, mae cyfran y gweithwyr hybrid wedi codi o 13% yn gynnar yn 2022 i 24% ym mis Mai 2022.

Mae hyblygrwydd yn allweddol, ac mae cael y gallu i weithredu ar draws De Cymru fel busnes crwydrol yn cynnig cymhelliant enfawr i ddarpar staff newydd yn ogystal â hwb i gynhyrchedd ar draws eich tîm sy'n tyfu.

6. Mentora

Fel sylfaenydd busnes, gall mentora lythrennol achub eich busnes. Mae cynghorwyr yn dod ym mhob lliw a llun, ac mae cael cymysgedd o fentoriaid o'r tu mewn ac o'r tu allan i'ch diwydiant bob amser yn ffordd sicr o gael adborth a mewnwelediad cyson.

Fel aelod crwydrol, bydd gennych nid yn unig fynediad at gyflymydd busnesau newydd gyda sesiynau mentora a hyfforddi ond fel cydweithiwr, byddwch mewn cysylltiad cyson â pherchnogion busnes eraill o bob maint a all ddarparu adborth o bersbectif profiadol.

I gloi, beth bynnag fo'r cam y mae eich syniad busnes ynddo, pa mor fawr bynnag fo'ch tîm, a beth bynnag fo'ch chwaeth fwyd - nid oes dwywaith bod crwydro yn gatalydd i chi fel entrepreneur ac i'ch busnes.

I gael mynediad at TT Roaming, cofrestrwch ar gyfer aelodaeth cydweithio llawn amser sy'n rhoi mynediad 24/7 i chi 365 diwrnod y flwyddyn + yr hawl i Grwydro. Cewch 25% i ffwrdd pan fyddwch chi'n cofrestru ar gyfer 3 mis. 

-

Ni yw Tramshed Tech: ecosystem ar gyfer perchnogion busnesau newydd i gwrdd, dysgu a thyfu. I gael mwy o awgrymiadau defnyddiol gan ein harbenigwyr, ewch i'n tudalen newyddion neu cysylltwch i gael gwybod am ein gofodau a'n haelodaethau.