Wrth i arferion gweithio barhau i esblygu, gweithio hanner-aer / hybrid yw'r ymadrodd y mae pawb yn siarad amdano ar hyn o bryd... ac am reswm da.

Cyn i ni edrych ar sut i wneud gweithio hanner-aer yn llwyddiant yn eich sefydliad, gadewch i ni sicrhau ein bod yn deall yn iawn beth yn union ydyw. 

Beth a Olygir wrth Weithio Hanner-aer?

I grynhoi, mae gweithio hanner-aer yn cyfeirio at ddull gweithio hyblyg sy'n cyfuno gweithio mewn swyddfa/gofod cydweithio gyda'r tîm cyfan a gweithio o gartref.

Yn dibynnu ar ba waith y mae angen iddynt ei wneud, gall gweithwyr mudo rhwng gwahanol leoliadau, gan ganiatáu iddynt ddylunio eu hwythnos waith mewn ffordd sy'n gweithio iddynt hwy ac yn unol â chanllawiau'r cwmni. 

Mae'r model gweithio hwn yn caniatáu i weithwyr gael llawer mwy o hyblygrwydd a rheolaeth dros eu hamserlenni gwaith, tra hefyd yn elwa ar ryngweithio wyneb yn wyneb a chymdeithasu â chydweithwyr yn y swyddfa.

Mae gweithio hanner-aer yn adnabyddus am gynnig cydbwysedd llawer gwell rhwng bywyd a gwaith i weithwyr, ac mae'n dod yn llawer mwy poblogaidd, fel y tynnir sylw ato gan astudiaeth a ganfu bod ‘mwy na hanner (57%) yn dewis model gwaith hanner-aer’.

Dyma 5 ffordd y gallwch wneud gweithio hanner-aer yn llwyddiant yn eich sefydliad:

1. Darparu'r dechnoleg a'r offer cywir i weithwyr

2. Dewis gofod cydweithio o ansawdd

3. Annog gweithwyr i greu amgylchedd gwaith pwrpasol 

4. Gwerthuso'n barhaus, casglu adborth ac addasu

5. Darparu hyfforddiant a chymorth

1. Darparu'r Dechnoleg a'r Offer Cywir i Weithwyr

Nid oes rhaid dweud, er mwyn i weithio hanner-aer fod yn llwyddiant, mae'n rhaid darparu'r offer a'r dechnoleg gywir i weithwyr gyflawni eu swyddi i'r safon uchaf posibl. Rhaid i weithwyr allu newid rhwng gwahanol amgylcheddau gwaith yn ddiymdrech a sicrhau bod prosesau gwaith yn rhedeg mor llyfn â phosibl o'u hamgylchedd dewisol heb unrhyw broblemau. 

Rhaid i weithwyr allu cyfathrebu'n effeithiol o wahanol amgylcheddau gwaith, boed hynny gartref neu yn y swyddfa/gofod cydweithio.

Y newyddion da yw bod yna nifer o offer i wneud cyfathrebu rhwng gweithwyr yn haws, gan ganiatáu iddynt gael diweddariadau, archebu ystafelloedd cyfarfod neu adalw dogfennau ble bynnag y bônt.

2. Dewis Gofod Cydweithio o Ansawdd

Mewn gweithle swnllyd gyda llawer o dynnu sylw ac amwynderau gwael, mae'n annhebygol y bydd eich staff yn gallu canolbwyntio a chynhyrchu'r gwaith o ansawdd rydych yn ei ddisgwyl ganddynt. Dyma pam mae mor bwysig dewis gweithfod sy'n cwrdd ag anghenion pob gweithiwr. 

Mae mannau cydweithio yn wych ar gyfer modelau gweithio hanner-aer, gan y gallant ddod â thunnell o fanteision i'ch busnes. Yn gyntaf, bydd llawer o fannau cydweithio yn cynnig amwynderau gwasanaeth rhad ac am ddim ac adnoddau a rennir. Er enghraifft, yn ein swyddfa Tramshed Tech yng Nghaerdydd, bydd aelodau'n cael mynediad at ofod desg, WiFi ultra-gyflym, te a choffi gan farista mewnol ac ystafelloedd cyfarfod y gellir eu harchebu. 

Mantais allweddol o gydweithio yw'r teimlad o gymuned, sy'n eich galluogi i gysylltu ag eraill ar lefel bersonol a phroffesiynol.

Mae mannau cydweithio hefyd yn gyffredinol llawer mwy hyblyg na swyddfeydd corfforaethol, gan nad oes angen llofnodi les hirdymor nac ymrwymo i wythnos gaeth 9-5 oni bai eich bod am wneud hynny. Mae hyn yn rhoi'r gofod sydd ei angen arnoch chi a'ch tîm, pryd bynnag ac ble bynnag y mae ei angen arnoch. 

Am ragor o wybodaeth am pam y dylech ddefnyddio gofod cydweithio, darllenwch y blog hwn. 

Yn Tramshed Tech, mae gweithio hanner-aer yn bosibl gydag un o'n haelodaethau gofod cydweithio neu basys diwrnod. Mae ein haelodaethau yn rhoi mynediad i chi at fanteision lluosog yn dibynnu ar yr un a ddewiswch, megis digwyddiadau cymdeithasol, gweithfannau y gellir eu harchebu, a mwy. Cliciwch yma i ddysgu mwy am ein gofod cydweithio neu archebwch eich sesiwn am ddim.

3. Annog Gweithwyr i Greu Amgylchedd Gwaith Pwrpasol

Yn ogystal â chael swyddfa bwrpasol neu ofod cydweithio, mae mor bwysig bod gan weithwyr amgylchedd gwaith addas gartref. Annog gweithwyr i greu gweithfod pwrpasol gartref (neu unrhyw le arall y gallant weithio'n gynhyrchiol) sy'n rhydd rhag pethau sy'n tynnu sylw ac sy'n eu galluogi i ganolbwyntio ar eu gwaith.

Dylai amgylchedd gweithio gartref gael ei sefydlu mewn ardal dawel, yn rhydd rhag sŵn a phethau eraill sy'n tynnu sylw mawr fel hysbysiadau ffôn neu hyd yn oed bobl eraill yn y tŷ os ydych chi'n gweithio orau mewn distawrwydd.

Am ragor o awgrymiadau ar sut i wneud cartref yn ofod swyddfa perffaith, darllenwch y blog hwn. 

4. Gwerthuso'n Barhaus, Casglu Adborth ac Addasu

Mae gwelliant parhaus yn hanfodol mewn unrhyw sefydliad, yn enwedig pan ddaw i'r amgylchedd gwaith. Er mwyn i weithio hanner-aer fod yn llwyddiannus, mae'n rhaid i chi werthuso effeithiolrwydd presennol eich model yn barhaus a gwneud unrhyw addasiadau yn ôl yr angen. A pha ffordd well o werthuso'r effeithiolrwydd na gofyn am adborth eich gweithwyr?

Gweithwyr yw'r rhai sy'n profi'r model gwaith hanner-aer hwn yn llawn, felly mae'n hanfodol eich bod yn gwybod sut maen nhw'n teimlo amdano, beth maen nhw'n teimlo sydd ar goll, beth y gellid ei wella neu ei newid ac ati.

Sut i Gasglu Adborth Gweithwyr

Gallwch gasglu'r adborth hwn mewn cyfarfodydd 1-i-1 neu efallai anfon arolwg gyda sawl cwestiwn. Trwy fesur y wybodaeth hon, gallwch greu model hanner-aer sy'n gweithio orau i'r cwmni cyfan, yn enwedig gweithwyr.

Dyma rai cwestiynau y gallai fod arnoch eisiau eu gofyn:

• Sawl diwrnod yr wythnos yr hoffech chi weithio yn y swyddfa yn unol â'ch dymuniad?

• A oes gennych amgylchedd addas i weithio o bell?

• A ydych yn teimlo bod gennych wybodaeth dda am newidiadau yn y sefydliad?

• Sut yr hoffech chi glywed am ddiweddariadau cwmni? 

5. Darparu Hyfforddiant a Chymorth

Yn olaf, mae sefydliadau fel arfer yn canfod bod gweithio hanner-aer yn gweithio orau pan fyddant yn cynnig sesiynau hyfforddi ac adnoddau i helpu eu gweithwyr i addasu i weithio hanner-aer.

Gallai hyn gynnwys gweithdai neu sesiynau cymorth ar gydweithio o bell, rheoli amser, arferion gorau seiberddiogelwch, a chynnal cydbwysedd rhwng bywyd a gwaith, er enghraifft. 

Ni yw Tramshed Tech: ecosystem busnesau newydd sy'n gartref i dros 50 o gwmnïau yn amrywio o fusnesau newydd cyn-refeniw i fusnesau sy'n graddio gyda dros 600 o aelodau cofrestredig o'r cymunedau digidol, creadigol a thechnoleg. Os oes gennych ddiddordeb mewn ymuno â ni yn unrhyw un o'n lleoliadau, mae croeso i chi gysylltu â ni.

Ysgrifennwyd gan Kate Jones ar gyfer Tramshed Tech.

Cyhoeddwyd ar 09/05/2023

Diweddarwyd ar 31/01/2024