A ydych am i’r flwyddyn i ddod hon fod yn flwyddyn fusnes fwyaf llwyddiannus i chi hyd yn hyn? Dywedir bod cynllunio archwiliol yn un o’r technegau pwysicaf ar gyfer dod yn entrepreneur llwyddiannus. 

Gallwch gynllunio blwyddyn lwyddiannus trwy bennu thema gyffredinol neu drwy weithredu rhestr bwced fusnes amhosibl. 

Os ydych am gynllunio ar gyfer blwyddyn lwyddiannus, gallwch:

1. Gosod thema ar gyfer y flwyddyn

2. Myfyrio ar y flwyddyn ddiwethaf

3. Cael gwared ar nodau rhesymegol ystrydebol

4. Cynllunio eich nodau personol a phroffesiynol ar wahân

5. Creu bwrdd gweledigaeth

6. Dechrau’n fach

7. Rhestr bwced fusnes amhosibl

1. Gosod Thema Ar Gyfer Y Flwyddyn

Os mai llwyddiant busnes yw thema’r flwyddyn, dadansoddwch beth mae hyn yn ei olygu i chi. Beth yw llwyddiant personol? Pa rwystrau y gallai fod angen i chi eu goresgyn i lwyddo eleni? 

Bydd gosod thema yn helpu i ddod â strwythur i’r broses gynllunio a nodi canllawiau clir ynghylch yr hyn yr ydych am ei gyflawni. Bydd y strwythur hwn yn eich helpu yn ddiweddarach wrth rannu’r thema yn nodau llai a mwy hylaw. 

Efallai eich bod am ganolbwyntio mwy eleni, neu efallai yr hoffech gyflawni gwell cydbwysedd rhwng bywyd a gwaith. Dewch o hyd i’ch thema a bydd y nodau’n dechrau ffurfio o amgylch hyn.

2. Myfyrio Ar Y Flwyddyn Ddiwethaf

Y lle gorau i ddechrau cyn i chi gynllunio’r flwyddyn i ddod yw myfyrio ar y flwyddyn fusnes a phersonol sydd newydd ddod i ben. Dywedir bod hunan-fyfyriad yn un o’r arfau mwyaf pwerus i wella. 

Nid yn unig y bydd hyn yn eich helpu i nodi meysydd lle mae’n bosibl eich bod wedi methu, ond bydd hefyd yn eich helpu i lunio’r cryfderau y gallwch fanteisio arnynt y flwyddyn nesaf. 

Nodwch eich llwyddiannau a’ch methiannau busnes a phlethwch y rhain i mewn i’ch nodau ar gyfer y dyfodol. 

3. Cael Gwared Ar Nodau Ystrydebol

Nid yw nodau ystrydebol amhenodol fel colli pwysau, dod yn iach, neu gael busnes llwyddiannus yn ddefnyddiol wrth gynllunio ar gyfer y dyfodol. 

Mae’n anodd cyflawni’r nodau hyn gan na ellir eu mesur yn hawdd. Peidiwch â gwastraffu amser gyda’r nodau amhenodol hyn, ac ymchwiliwch yn ddyfnach i nodau y gallwch eu monitro. 

Mae adroddiadau wedi dangos bod cyfradd llwyddiant y nodau ystrydebol hyn yn lleihau’n sylweddol wrth i’r amser fynd rhagddo yn y flwyddyn, gydag ond 46% o bobl yn glynu wrth eu penderfyniadau erbyn y marc 6-mis. Byddwch yn benodol gyda’ch nodau a bydd gennych siawns uwch o’u cyflawni.

4. Cynllunio Eich Nodau Personol a Phroffesiynol Ar Wahân

Ysgrifennwch yr holl ddigwyddiadau personol a nodau personol ar gyfer y flwyddyn i ddod ar wahân i’ch nodau busnes. Bydd y gwahanu hwn yn eich helpu i flaenoriaethu cydbwysedd iach rhwng gwaith a bywyd. 

Os ydych chi'n un sy'n byw i weithio, fe allech chi hefyd ddiweddu'n blaenoriaethu nodau proffesiynol dros nodau personol os nad ydyn nhw ar wahân. 

5. Creu Bwrdd Gweledigaeth

Os ydych chi'n ddysgwr gweledol, mae creu bwrdd gweledigaeth yn broses gynllunio berffaith i chi. Mae bwrdd gweledigaeth yn gasgliad o ddelweddau a fydd yn cynrychioli eich blwyddyn. Meddyliwch am ddigwyddiadau mawr, digwyddiadau bach, a phopeth rhyngddynt. 

Bydd hyn yn cynorthwyo eich taith faniffesto a gall eich arwain i gyflawni nodau yn gynt wrth i chi geisio cyrraedd y cerrig milltir a ddarluniwyd ar eich bwrdd gweledigaeth.

6. Dechrau'n Fach

Wrth ddechrau ar y broses gynllunio, nid ydych am llethu eich hun gyda gormod o nodau. Gall y nodau mawr hyn eich stressio - mae blwyddyn yn amser hir wedi'r cyfan. Rhannwch y flwyddyn i lawr yn gyfnodau mwy hylaw o amser, gan osod nodau tymor hir i chi eich hun yn ogystal â nodau tymor byrrach, mwy hylaw. 

Gan ddechrau gyda 12 mis, penderfynwch ar eich nodau busnes tymor hir mwyaf. Rhannwch y nodau hyn i lawr i'r hyn y gallwch ei gyflawni mewn 6 mis. Dal i ymddangos yn rhy bell i ganolbwyntio arno? Rhannwch hyn i lawr yn gynllun misol, bydd y tasgau a'r nodau bach hyn i gyd yn cronni ac yn helpu i gyflawni eich nodau tymor hir.

7. Rhestr Bwced Fusnes Amhosibl

Mae rhestr bwced amhosibl yn ffordd unigryw o gynllunio gan eich bod yn gweithredu'n uniongyrchol ar eitemau rydych wedi'u nodi yn eich cynllun. Felly sut mae hyn yn gweithio?

Rydych chi'n dechrau gyda'ch prif amcan, ac yna rydych chi'n rhannu hwn yn ddarnau llai. Pan fyddwch chi wedi croesi un nod, cewch ychwanegu estyniad at y nod hwnnw bob tro. Er enghraifft, os ydych chi'n dechrau gyda nod o eisiau darllen mwy o lyfrau, ar ôl ei rannu, byddai'n edrych fel hyn:

Darllen mwy o lyfrau

• Darllen 10 llyfr eleni

• Darllen 20 llyfr eleni

• Darllen 50 llyfr eleni

Bydd y dull parhaus hwn o gynllunio a threfnu yn eich helpu i lynu yn gyson wrth eich nodau a hybu eich datblygiad pellach.

Bydd sut olwg sydd ar flwyddyn lwyddiannus yn wahanol i bawb. Dilynwch y camau hyn i greu nodau hylaw y gellir eu holrhain a fydd yn arwain at flwyddyn lwyddiannus i chi.

Ni yw Tramshed Tech: ecosystem ar gyfer busnesau newydd sy’n gartref i dros 50 o gwmnïau sy’n amrywio o fusnesau newydd sydd heb gynhyrchu refeniw eto i fusnesau sy’n graddio, gyda dros 600 o aelodau cofrestredig o’r cymunedau digidol, creadigol a thechnolegol. Ar hyn o bryd rydym wedi ein lleoli yn Grangetown, Caerdydd Canolog a Chasnewydd, ac yn fuan byddwn yn ehangu i safleoedd eraill ledled De Cymru yn y Barri ac Abertawe. 

Os oes gennych ddiddordeb mewn ymuno â ni yn unrhyw un o'n lleoliadau, mae croeso i chi gysylltu â ni. 

Ysgrifennwyd gan Luthien ar gyfer Tramshed Tech.