Rydym yn hynod gyffrous i gyhoeddi bod Tramshed Tech yn ehangu i un o dirnodau eiconig Abertawe: Theatr y Palace!

Mae Theatr y Palace wedi croesawu perfformiadau gan rai fel Charlie Chaplin, Syr Anthony Hopkins a Morecombe ac Wise. Nawr mae gennym ni'r cyfle i roi bywyd newydd iddo, gan greu canolbwynt i'r gymuned dechnoleg yn ail ddinas Cymru.

Pryd mae Tramshed Tech Abertawe yn agor?

Wedi'i drefnu i agor ym mis Ionawr 2024, bydd Theatr y Palace yn cael ei thrawsnewid yn weithle modern a hyblyg ar gyfer busnesau ifanc sy'n tyfu. Gan gysylltu â'n lleoliad presennol yng Nghaerdydd, bydd y gofod hwn yn Abertawe yn creu rhwydwaith ar draws De Cymru, ac yn parhau i gefnogi datblygiad y sectorau technoleg a chreadigol sydd wedi tyfu'n gyflym ledled Cymru.

Clywch gan gyd-sylfaenydd Tramshed Tech Louise Harris ac Arweinydd Cyngor Abertawe Rob Stewart

Dywedodd cyd-sylfaenydd Tramshed Tech, Louise Harris, hyn am y lleoliad newydd: "Mae mor gyffrous bod yn gweithio gyda'r cyngor dinas yn Abertawe i ailddatblygu'r adeilad nodedig hanesyddol hwn a gallu darparu gwasanaethau digidol o'r radd flaenaf i'r ddinas".

Dywedodd arweinydd Cyngor Abertawe, Rob Stewart: "Rwy'n falch iawn ein bod yn gweithio gyda Tramshed Tech fel prif denant y Palace. Mae'n gam mawr arall yn stori adfywio £1bn Abertawe sy'n dod â buddsoddiad, swyddi a chyfleoedd."

Tra nododd aelod o’r Cabinet, Robert Francis-Davies: "Mae ein partneriaeth yn gyffrous oherwydd bydd yn gyfle arall i dyfu diwydiant technoleg Abertawe."

Sut mae'r prosiect yn cael ei ariannu?

Mae arian ar gyfer ailddatblygu'r Palace yn cael ei geisio gan Gronfa Datblygu Rhanbarthol Ewrop a Llywodraeth Cymru, trwy raglen Trawsnewid Trefi Llywodraeth Cymru ar gyfer y prosiect.

Sut rwy'n cymryd rhan?

Ni allwn aros i agor ein drysau i fwy o entrepreneuriaid mewn mwy o leoliadau, a pharhau i wneud Cymru yn arweinydd technoleg y mae'n prysur ddod iddi!

Cysylltwch heddiw i gofrestru eich diddordeb.