Mae dod yn entrepreneur yn siwrnai sy'n llawn heriau niferus.

Yn gryno, cydnerthedd entrepreneuraidd yw'r gallu i oresgyn heriau entrepreneuraidd enfawr a pharhau fel entrepreneur yn wyneb adladd. Mae cysyniad cydnerthedd entrepreneuraidd yn esbonio pam mae rhai entrepreneuriaid yn rhoi'r gorau iddi pan fyddant yn wynebu heriau tra bod eraill yn dal ati.

Mae cydnerthedd yn hanfodol wrth ddechrau a graddio busnes. Os hoffech chi glywed gan sefydlwyr sydd wedi graddio'n llwyddiannus ac wedi dangos cydnerthedd trwy gydol eu siwrnai entrepreneuraidd, ymunwch â’n digwyddiad 'Y Fformiwla i Raddio Eich Busnes' sy'n digwydd yn Tramshed Tech ar 28ain Ebrill 6yh-8yh.

Pam Mae Cydnerthedd yn Bwysig i Entrepreneur?

Mae cydnerthedd yn bwysig i bobl ym mhob rôl a chyfnod o fywyd, ond i entrepreneur, mae'n hanfodol. 

Mae busnesau newydd a busnesau sy'n graddio heddiw yn wynebu pob math o heriau. Ond y ffordd y delir â'r cyfnodau heriol hyn sy'n penderfynu ar lwyddiant y busnes yn y pen draw.

Y ffordd orau i entrepreneuriaid bownsio'n ôl o'r cyfnodau heriol hyn yw adeiladu cydnerthedd, a fydd yn caniatáu iddynt edrych y tu hwnt i rwystrau tymor byr a chanolbwyntio ar deithiau tymor hir. 

Mae cydnerthedd yn un o'r nodweddion entrepreneuraidd mwyaf hanfodol am nifer o resymau:

Cydnerthedd entrepreneuraidd yw'r gallu i oresgyn heriau entrepreneuraidd enfawr a pharhau fel entrepreneur yn wyneb adladd.

Mae Cydnerthedd yn Eich Atal rhag Rhoi'r Gorau iddi 

Mae entrepreneuriaid sy'n dechrau eu hail fusnes ar ôl ymgais gyntaf aflwyddiannus yn sylweddol fwy tebygol o gael llwyddiant yn eu hail gwmni. Mae hyn oherwydd cydnerthedd.

Os ydych chi'n gydnerth, mae'r ods o'ch plaid chi. Rydych chi'n dysgu wrth fynd ymlaen ac yn dod yn nes ac yn nes at lwyddiant.

Mae Cydnerthedd yn Helpu i Wella Eich Iechyd

Mae meddwl iach yn gyfystyr â busnes iach. Ystyrir bod cael cydnerthedd cryf yn dda i'ch iechyd cyffredinol, yn ogystal â'ch busnes.

Mae emosiynau meddyliol negyddol fel panig, straen ac anobaith yn lleihau eich gallu i ddelio â phroblemau ac yn eich tynnu i lawr yn gorfforol, gan wanhau eich system imiwnedd, gan eich gadael yn agored i iselder pellach mewn cylch dieflig.

Mae'n annhebygol y bydd straen byth yn cael ei ddileu o'r gweithle, felly'r opsiwn gorau yw delio ag ef yn effeithiol.

Ystyrir bod cael cydnerthedd cryf yn dda i'ch iechyd cyffredinol, yn ogystal â'ch busnes.

Os Ydych chi'n Credu Ynoch Chi Eich Hun, Bydd Eraill yn Credu Ynoch Chi

Os ydych chi'n entrepreneur, rydych chi'n gwybod pa mor bwysig yw cael pobl sy'n credu ynoch chi, gan y gall fod yn swydd unig.

P'un a yw'n gleient y mae angen i chi ei ennill neu'n fuddsoddwr posibl - mae pobl eisiau gweld beth rydych chi'n ei wneud a buddsoddi yn y busnes newydd y gallant weld ei fod yn mynd i bara.

Os nad ydych chi'n creu ynoch chi eich hun nac yn eich busnes, ni fydd neb arall chwaith. 

Sut i Adeiladu Cydnerthedd Entrepreneuraidd

Mae cydnerthedd entrepreneuraidd yn hanfodol, ond nid yw bob amser yn dod yn naturiol. Dyma 4 ffordd y gallwch chi adeiladu cydnerthedd a dod yn gryfach yn wyneb anhawster:

1. Paratoi ar gyfer adladd 

2. Canolbwyntio ar y presennol

3. Paid â gadael i fethiant eich diffinio

4. Cofio eich cenhadaeth 

1. Paratoi Ar Gyfer Adladd

I adeiladu croen mwy tew fel entrepreneur, mae'n rhaid i chi fod yn barod i dderbyn methiant a pharatoi'n feddyliol ar gyfer yr adladd y gallwch ei wynebu.

Mae'n swnio'n rhyfedd, ond mae'n bwysig peidio â gweld methiant fel peth negyddol.

Nid dyna oeddech chi am iddo ddigwydd, ond nid yw hynny'n golygu na fyddwch chi'n cyrraedd llwyddiant yn y pen draw. 

2. Canolbwyntio Ar Y Presennol

Fel entrepreneur, mae'n rhaid i chi hefyd ganolbwyntio ar y presennol.

Nid yw canolbwyntio ar y presennol yn sgil y cawsom oll ein geni â hi, ac fe fydd yn rhaid i chi weithio'n galed arnoch chi eich hun i ddod trwy'r cyfnodau heriol.

Fodd bynnag, mae ymarfer bod yn bresennol a chyfarch heriau ag agwedd o dderbynioldeb yn hytrach na gwrthwynebiad yn hanfodol er mwyn cynnal momentwm ymlaen. 

Wyddoch chi byth beth sydd rownd y gornel, felly mwynhewch y foment a'r daith.

Os nad ydych chi'n credu ynoch chi eich hun nac yn eich busnes, ni fydd neb arall chwaith. 

3. Paid â Gadael i Fethiant Eich Diffinio

Mae methiant yn rhan o batrwm cyfoethog bywyd, ni waeth pwy ydych chi neu beth rydych chi'n ei wneud.

Pwysleisir hyn gan y ffaith bod '90% o fusnesau newydd yn methu', gan dynnu sylw at ba mor gyffredin yw hi mewn gwirionedd i entrepreneuriaid fethu.

Er y gall fod yn anodd, cofiwch nad yw'r rhan fwyaf o bethau mewn busnes yn bersonol, felly peidiwch â gadael i fethiant neu wrthodiad eich diffinio. 

4. Cofio Eich Cenhadaeth

Mae canolbwyntio ar eich pwrpas yn ffordd effeithiol o ddelio â'r cyfnodau heriol mewn bywyd a chadw persbectif.

O fyfyrdod i ysgrifennu dyddiadur, mae yna nifer o bethau y gallwch chi eu gwneud i wella eich ffocws a'ch sylw i atgoffa eich hun o'r hyn sy'n wirioneddol bwysig. 

Os yw cydnerthedd yn ymwneud ag addasu'n gyson i newid, yna mae'n helpu i wybod y bydd un peth yn aros yn gyson: eich cenhadaeth a'ch nodau. 

Ble bynnag yr ydych ar eich siwrnai entrepreneuraidd, gall Tramshed Tech eich cefnogi gyda thwf eich busnes, gan gynnwys hyfforddiant sgiliau a rhaglenni partneriaeth arbenigol. Dyma'r lle gorau i dyfu eich busnes oherwydd rydym yn deall yr heriau y mae entrepreneuriaid yn eu hwynebu. Rydym yn adeiladu gweithleoedd hardd gyda chefnogaeth busnes a rhaglenni sgiliau i helpu busnesau i ffynnu. 

Mae ein 'aelodaeth gronni' newydd hefyd yn rhoi'r dewis i chi weithio ar draws nifer o leoliadau, gan gynnwys Caerdydd, Casnewydd, Bro Morgannwg ac Abertawe.

Am fwy o awgrymiadau defnyddiol gan ein harbenigwyr, edrychwch ar ein tudalen newyddion neu cysylltwch i gael gwybod mwy am ein gofodau. 

Ysgrifennwyd gan Kate, ar gyfer Tramshed Tech.