Cyfarfod PyData

Rydym mor gyffrous bod PyData yn dychwelyd i Gaerdydd ac rydym yn gobeithio gweld hen fynychwyr eto, yn ogystal â newydd-dyfodiaid i'r gymuned.

Noddir y digwyddiad hwn gan Antiverse sy'n darparu'r lleoliad (Tramshed Tech) ynghyd â bwyd a lluniaeth (cwrw am ddim, diodydd meddal a phitsa!).

Mae'r drysau'n agor am 6pm ar gyfer gweithdy/cyflwyniad i algorithmau dysgu peirianyddol sy'n seiliedig ar goed (coed penderfynu, fforestydd ar hap, ac ati). Bydd y prif ddigwyddiad gyda dau siaradwr gwych yn dechrau am 7pm. Ar ôl y digwyddiad, bydd cymuned PyData yn anelu at dafarn leol yn agos i Orsaf Ganolog Caerdydd.

Siaradwyr

Sgwrs 1: Michael Hodge - Uwch Wyddonydd Data ONS Data Science Campus

Bydd Michael yn siarad am sut y gwnaeth helpu miloedd o bobl i gael apwyntiadau pasbort gan ddefnyddio bot Twitter wedi'i raglennu yn Python. Gellir darllen mwy o wybodaeth am hyn ar ei flog Creating a Twitter Bot to post when a UK Government passport service is online | by Michael Hodge | Medium

Sgwrs 2: Amit Chandra - Uwch Reolwr Analitig yn Admiral a Phennaeth Gwyddor Data yn AXA Insurance

Bydd Amit yn siarad am ei dros 10 mlynedd o brofiad o ddefnyddio dysgu peirianyddol mewn yswiriant a benthyciadau.

Mae gennym hefyd rai cynrychiolwyr lleol o gwmni recriwtio yng Nghaerdydd, IntaPeople, yn bresennol. Felly os oes gan unrhyw un ddiddordeb mewn dysgu mwy am y farchnad swyddi leol ar gyfer gwyddor data, yna mae hwn yn gyfle gwych.

Bydd y digwyddiad yn dod o dan God Ymddygiad PyData: https://numfocus.org/code-of-conduct, a hoffem bwysleisio mai un o brif nodau NumFocus a PyData yw cynyddu amrywiaeth yn y maes gwyddor data. Ein nod yw cael noson ddifyr ac addysgiadol, a fydd yn ofod croesawgar a diogel i bawb, o bob cefndir a gallu technegol.